6 patay sa sunog sa Navotas

Patay ang anim na miyembro ng isang pamilya matapos matupok ng apoy ang bahay sa Barangay Dagat-dagatan, Navotas City.

Ayon sa Bureau of Fire Protection, kabilang sa mga nasawi ang mag-asawang parehong 41 taong gulang, anak na lalaki na 10 taong gulang, anak na babae na dalawa at tatlong taong gulang, at pamangkin na 13 taong gulang.

Ayon sa BFP, umabot lamang sa unang alarma ang sunog.

Naideklarang fire out ang sunog kaninang 5:44 ng umaga.

Patuloy pa ang ginagawang imbestigayson ng mga tauhan ng BFP kaugnay sa nasabing sunog.