SSS may alok na calamity loan sa mga biktima ng Bagyong Paeng

 

Magbibigay ng Calamity Assistance Package ang Social Security System sa mga miyembro at mga pensioner nito na nasalanta ng Bagyong Paeng sa mga lugar na isinailalim sa state of calamity.

Kabilang sa mga lugar na isinailalim sa state of calamity ni Pangulong Ferdinand “Bongbong” Marcos Jr. ang Regions 4-A, 5, 6 at Bangsamoro Autonomous Region in Muslim Mindanao.

Maaring makapag-avail ang mga apektadong miyembro at pensioners ng calamity loan at tatlong buwan na advance na pension.

Pinapayuhan ang mga miyembro at mga pensioners na makipag-ugnayan lamang sa pinakamalapit na tanggapan ng SSS para makakuha ng ayuda.