Acting GM ng MIAA, itinalaga ni Pangulong Marcos

Itinalaga ni Pangulong Ferdinand “Bongbong” Marcos Jr. si Jose Arturo Maddela Tugade bilang acting general manager ng Manila International Airport Authority. Ito ang kinumpirma ni Office of the Press Secretary officer-in-charge Cheloy Garafil. Bukod sa pagiging acting general manager ng MIAA, magsisilbi rin si Tugade bilang chief executive officer at Board lf Directors Member. Papalitan ni Tugade si Cesar Chiong na itinalaga ni Pangulong Marcos bilang acting general manager ng MIAA noong Hulyo lamang. Si Tugade ay anak ni dating Transportation Secretary Arthur Tugade.