Umaasa ang Department of Transportation na bibigyan pa rin ng budget ng Kongreso ang programang Libreng Sakay sa Metro Manila.
Ayon kay Transportation Secretary Jaime Bautista, ito ay para patuloy na maayudahan ang mga pasahero sa gitna ng tumataas na presyo sa produktong petrolyo.
“So hopefully baka naman kapag pinasa iyong budget natin, iyong Kongreso natin ay magbigay ng isang kaban para doon,” pahayag ni Bautista.
Sa Disyembre 31, 2022 inaasahang matatapos na ang programang Libreng Sakay.
“Wala sa budget natin iyan, doon sa sinubmit naming sa Congress. Although maraming mga mambabatas natin na sinasabi na they will support it daw,” pahayag ni Bautista.
Datin ang programa ni dating Pangulong Rodrigo Duterte ang Libreng Sakay at pinalawig lamang ni Pangulong Ferdinand “Bongbong” Marcos Jr. hanggang sa Disyembre.