LPA sa Luzon naging Tropical Depression Obet

Naging Tropical Depression Obet ang binabantayang low pressure area sa extreme Northern Luzon.

Sa 5am update ng PAGASA, huling namataan ang sentro ng bagyo sa distansiyang 1,055 kilometro silangan ng Hilagang Luzon.

Taglay nito ang lakas ng hangin na 45 kilometro kada oras malapit sa gitna at bugso na aabpt sa 55 kilometro kada oras.

Kumikilos ang panibagong bagyo sa bilis na 10 kilometro kada oras.

Inaasahan na ang malakas na pagbuhos ng ulan ay magsisimula gabi ng Biyernes o kinabukasan, araw ng Sabado, sa Babuyan Islands, Ilocos Norte, Apayao at bahagi ng Cagayan.

Maaring magtaas na ng Tropical Cyclone Wind Signal sa ilang lugar sa Hilagang Luzon ngayon gabi o bukas.