Bahagi ng Osmeña Highway, 2 linggong isasara
Pansamantalang isasara ang nasa 100 metro ng Osmeña Highway southbound lane sa tapat ng Cash and Carry Mall sa Makati City para bigyang daan ang paghuhukay para sa tatlong columns ng Skyway Stage 3 elevated expressway project.
Isasara ang nasabing daan mamayang alas-11 ng gabi, na tatagal ng dalawang linggo.
Para sa mga motoristang pa-southbound ang daan, maari silang dumaan sa Buendia Flyover patungong at-grade and elevated section ng Skyway, at sa EDSA.
Para naman sa mga papuntang Makati Central Business District, maari silang tumawid sa Osmeña Highway mula sa Finlandia Street papuntang Dela Rosa Street.
Magtatalaga naman ng mga karagdagang traffic enforcers sa apektadong lugar para tulungan ang mga motorista.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.