Bagong subvariant ng Omicron binabantayan, wala pa sa bansa – DOH

Sinabi ng Department of Health (DOH) na wala pang kaso ng XBB sa bansa.

Ang XBB ay bagong Omicron subvariant at ito ay kombinasyon ng BJ.1, na mula sa BA,2,10.1 at BM 1.1.1, na mula naman sa BA.2.75 variant.

Tiniyak ng DOH na patuloy ang pagsasagawa ng surveillance para mamonitor ang pagpasok sa bansa ng bagong sub-variant.

Nabanggit din ng DOH na ang bagong sub-variant ay nagpakita ng ‘higher immune evasion ability’ kumpara sa BA.5.

Iniuugnay ito sa pagdami ng COVID 19 cases sa Singapore bagamat ayon sa kanilang Ministry of Health maituturing pa rin na mababa ang kanilang ‘severe cases’ at marami sa mga pasyente ay nakakaranas lamang ng mild symptoms.