QC Mayor Joy Belmonte tutulak sa Spain para sa Migrant Workers conference

Magsisilbing panelist si Quezon City Mayor Joy Belmonte sa Migrant Workers and Healthcare at Fast track Cities Conference  sa Sevilla Spain.

Nasa official business si Belmonte mula Oktubre 11 hanggang 13.

Tatanggap din si Belmonte ng parangal na Circle of Excellence Award para sa lungsod.

Dahil dito, itinalaga ni Belmonte si Vice Mayor Gian Sotto bilang acting mayor at Councilor Alex Bernard Herrera bilang acting vice mayor.

Pangangasiwaan nina Sotto at Herrera ang pang-araw na gawain sa lungsod.

Kumpiyansa naman si Belmonte na nasa maayos na lagay ang lungsod sa pamamahala ni Sotto.