Mga tanggapan ng gobyerno, pinaghahanda na para sa Bulkang Mayon
Inatasan na ni Pangulong Ferdinand “Bongbong” Marcos Jr. ang ibat-ibang tanggapan ng gobyerno maging ang local government units na maghanda dahil sa patuloy na pag-aalburuto ng Bulkang Mayon.
Ginawa ng Pangulo ang utos matapos ilagay ng Philippine Institute of Volcanology and Seismology (PHIVOLCS) sa Alert Level 2 ang bulkan.
Ayon sa Twitter post ng Pangulo, personal na rin siyang nakipag-ugnayan sa PHIVOLCS at National Disaster Risk Reduction and Management Council (NDRRMC).
“Matapos itaas sa Alert Level 2 ang Bulkang Mayon, tayo ay patuloy na nakikipag-ugnayan sa PHIVOLCS, NDRRMC, LGUs at iba pang ahensya upang siguraduhin na ang lahat ay handa sa posibleng pagbago ng sitwasyon. Mag-ingat po tayo,” pahayag ng Pangulo.
Nasa Alert Level 2 ang bulkan at nagkakaroon ng shallow magmatic processes na maaring magdulot ng phreatic eruptions o maaring magkaroon ng hazardous magmatic eruption.
Pinapayuhan ang mga residente na nakatira malapit sa bulkan na mag-ingat.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.