Telcos, inatasan ng NTC na tiyaking handa sa mga lugar na apektado ng #KardingPH
Inatasan ng National Telecommunications Commission (NTC) ang lahat ng public telecommunications entities na tiyakin ang kahandaan sa pinsalang maaring idulot ng bagyong Karding.
Sa inilabas na memorandum ni NTC Commissioner Gamaliel Cordoba, iniutos nito ang pagtitiyak na mayroong sapat na bilang ng technical at support personnel, stand-by generators na may extra fuel, at iba pang gamit sa mga lugar na tinamaan ng bagyo.
Iniutos din ni Cordoba na madaliin ang repair at restoration ng telecommunication services kung mayroong maapektuhan ng bagyo.
Kasabay nito, inatasan din ang mga network company na magtalaga ng Libreng Tawag at Libreng Charging Stations sa mga apektadong lugar.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.