WHO chief kumambiyo sa pahayag na malapit na ang wakas ng COVID 19

Binigyan linaw ni World Health Organization (WHO) Director General Tedros Adhanom Ghebreyesus ang kanyang naging pahayag ukol sa nalalapit na wakas ng pandemya dulot ng COVID 19.

Base sa mga naglabasang ulat, sinabi ni Ghebreyesus na maganda na ang mga nangyayari sa buong mundo ukol sa paglaban sa COVID 19 at aniya nakikita na ang liwanag.

Ngunit kumambiyo ito at nagbabala pa na ang pagdedeklara na tapos na ang global health crisis ay matagal pang mangyayari.

Dagdag niya ang nais niyang sabihin ay hindi pa nalalapit ang wakas ng pandemya  bagamat nakikita na ang katapusan nito.

Matapos ang unang pahayag, idineklara pa nj US President Joe Biden na tapos na ang pandemya sa Amerika.