Sec. Briones, dating DBM Usec. Lao at iba pa hindi pa lusot sa pagbili ng P2.4-B laptops

By Jan Escosio September 16, 2022 - 11:53 AM
Senate PRIB photo

Nagpahiwatig si Senate Blue Ribbon Committee chairman, Senator Francis Tolentino na maaring isang pagdinig na lamang ang kinakailangan sa kontrobersyal na pagbili ng laptops para sa public school teachers.

Paglilinaw pa ni Tolentino na pagkatapos ng tatlong pagdinig, wala pang maituturo na may kasalanan o walang kasalanan, kabilang na sina dating Education Sec. Leonor Briones at dating Budget Usec. Christopher Lao.

Sa kaso ni Briones, ayon kay Tolentino, maaring mali ang mga pagpapayo sa kanya ukol sa pagbili ng laptops, ngunit hindi maaring agad-agad maisantabi ang ‘command responsibility doctrine.’

Pag-amin nito, maraming naisiwalat si DepEd Dir. Marcelo Bragado sa pagdinig noong Huwebes, Setyembre 15, kasama na sa pinirmahan na memorandum of agreement (MOA) sa pagitan ng DepEd at DBM-PS.

Nangangailan pa aniya sila ng mga karagdagang dokumento mula kay Education Usec. Anne Sevilla.

Napakahalaga din aniyang malaman kung kailan pinirmahan ang kasunduan ng dalawang kagawaran.

Kaugnay sa susunod na pagdinig, sinabi nito na kailangang magkatugma-tugma ang schedule ng iba pang miyembro ng komite.

TAGS: francis tolentino, InquirerNews, RadyoInquirerNews, francis tolentino, InquirerNews, RadyoInquirerNews

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.

Your subscription could not be saved. Please try again.
Your subscription has been successful.

Subscribe to our daily newsletter

By providing an email address. I agree to the Terms of Use and acknowledge that I have read the Privacy Policy.