Target ng PinasLakas sa unang 100 araw ni PBBM Jr., kinakapos

By Jan Escosio September 15, 2022 - 11:45 AM

DOH photo

Binago ng Department of Health (DOH) ang kanilang target na bilang na mabibigyan ng booster shots sa unang 100 araw sa puwesto ni Pangulong Ferdinand “Bongbong” Marcos, Jr.

Ito ang ibinahagi ni DOH officer-in-charge Maria Rosario Vergeire at aniya, ang kanilang target ay 30 porsiyento ng kabuuang bilang ng mga nabigyan ng kanilang ‘primary doses.’

“We have revised our target that we at least reach 30% pagdating ng October 8 and then progressively until the end of the year, hopefully we will reach about 50-70%,” aniya.

Pag-amin ni Vergeire, mababa pa rin ang bilang ng mga nagpa-booster shot sa 24 porsiyento.

Base sa datos mula sa kagawaran, hanggang nitong Setyembre 12, higit 72.8 porsiyento na ang ‘fully vaccinated’ sa bansa at sa bilang 18.6 milyon pa lamang ang may unang booster shot at 2.5 milyon naman ang nagpaturok na ng kanilang second booster shot.

TAGS: BBM admin, bongbong marcos, COVID vaccination, InquirerNews, PinasLakas, RadyoInquirerNews, BBM admin, bongbong marcos, COVID vaccination, InquirerNews, PinasLakas, RadyoInquirerNews

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.