Bagyong Inday, lumabas na ng bansa

Nakalabas na ng Philippine Area of Responsibility ang Bagyong Inday.

Base sa 5:00 a.m. advisory ng Pagasa, mabagal na kumikilos ang bagyo sa East China Sea.

Namataan ang sentro ng bagyo sa 560 kilometro North Northwest ng Itbayat, Batanes.

Taglay ng bagyo ang hangin na 140 kilometro kada oras at pagbugso na 170 kilometro kada oras.

Sinabi pa ng Pagasa na posibleng mag-landfall ang bagyo sa bisinidad ng Shanghai o Zhejiang.