DOTr chief Bautista, pabor na mag-face mask sa public transport
Gusto ni Transportation Secretary Jaime Bautista na manatiling nakasuot ng mask ang lahat ng mga sumasakay sa mga pampublikong sasakyan.
Katuwiran ni Bautista, base sa mga lumalabas na datos, hindi pa naman masasabing kontrolado na ang sitwasyon kaya’t hindi dapat magpakampante ang lahat.
Una nang ibinahagi ni Department of Health (DOH) officer-in-charge Maria Rosario Vergeire na ‘verbally approved’ ni Pangulong Ferdinand “Bongbong” Marcos, Jr. ang rekomendasyon ng Inter-Agency Task Force (IATF) na paluwagin ang polisiya sa pagsusuot ng mask.
Ngunit sinabi ni Vergeire na kailangang magpalabas muna ng kautusan ang Malakanyang ukol dito.
Higit dalawang taon nang ipinapatupad ang ‘mask-use policy’ sa bansa.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.