Pangamba ng Fil-Chinese group sa kidnap reports pinawi

By Jan Escosio September 09, 2022 - 07:39 PM
NCRPO PIO PHOTO

Itinanggi ni Metro Manila police director, Brigadier General Jonnel Estomo na talamak muli ang kaso ng kidnapping sa mga Filipino-Chinese.

Sa pagharap ni Estomo sa Filipino-Chinese Chambers of Commerce and Industry Inc., ibinahagi nito na ang lahat ng mga napa-ulat na kaso ng kidnapping sa Metro Manila ay naresolba.

Aniya mula noong Enero hanggang noong nakaraang buwan, apat na kaso ng kidnap for ransom at anim na kaso ng serious illegal detention sa Kalakhang Maynila ang kanilang naresolba.

Dagdag pa ni Estomo, naaresto nila ang mga suspek sa lahat ng mga kaso at nailigtas ang mga biktima.

“Wala pong kidnapping na nangyayari. Kahit po sa ibang city wala po tayong ganyan mga kaso, hindi po ito totoo. Kung mayroon man po tayong natanggap na reklamo, lahat po ito ay naresolved na ng kapulisan,” diin ng opisyal.

TAGS: Illegal detention, Kidnap, NCRPO, Illegal detention, Kidnap, NCRPO

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.

[forminator_form id="331315"]