ES Vic Rodriguez papadalhan ng subpoena ng Senate Blue Ribbon Committee

By Jan Escosio September 06, 2022 - 10:40 AM

 

 

Sa botong 11 – 3 – 3 ng mga senador, padadalhan ng subpoena ng Blue Ribbon Committee si Executive Secretary Victor Rodriguez para muli itong dumalo sa pagdinig kaugnay sa sugar importation fiasco.

Ibinahagi ni Senador Francis Tolentino, ang namumuno sa komite, 11 senador ang pumabor sa hiling ni Sen. Risa Hontiveros na padalhan ng subpoena si Rodriguez.

Tig-tatlo naman ang tumutol sa nais ni Hontiveros at may tatlong senador din ang nag-abstain.

Nang isapubliko ang resulta ng isinagawang secret balloting sa ipinatawag na executive session, agad ipinag-utos ni Tolentino sa Office of Senate Sergeant-at-Arms (OSSAA) na agad isilbi ang subpoena kay Rodriguez.

Sa ipinadala niyang sulat sa komite, ibinahagi ni Rodriguez na inutusan siya ni Pangulong Marcos Jr., na huwag dumalo sa pagdinig at hindi naman niya ibinigay ang kadahilanan.

TAGS: francis tolentino, news, Radyo Inquirer, subpoena, Vic Rodriguez, francis tolentino, news, Radyo Inquirer, subpoena, Vic Rodriguez

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.