Pasok sa lahat ng korte sa Batanes, suspendido dahil sa #HenryPH

Sinuspinde ng Korte Suprema ang pasok sa lahat ng korte sa Batanes sa araw ng Biyernes, Setyembre 2.

Kasunod ito ng inaasahang pananalasa ng Bagyong Henry.

Base sa abiso ng PAGASA bandang 11:00, Biyernes ng umaga, nakataas ang Batanes sa Tropical Cyclone Wind Signal no. 2.

Huling namataan ang sentro ng bagyo sa layong 365 kilometers Silangan Hilagang-Silangan ng Itbayat, Batanes.

Ibinabala ng weather bureau ang katamtaman hanggang mabigat na buhos ng ulan sa Ilocos Region, Batanes, Babuyan Islands, Apayao, at Abra.