Panukalang pag-aangkat ng 150,000 MT ng asukal, pag-aaralan pa

Pag-aaaralan muna ni Pangulong Ferdinand “Bongbong” Marcos, Jr. ang panukalang pag-aangkat ng 150,000 metrikong tonelada ng asukal.

Ayon kay Press Secretary Trixie Cruz-Angeles, bilang pinuno ng Department of Agriculture (DA), natural lamang na pag-aralan muna ng Pangulo ang panukala bago aprubahan.

“Parati naman po itong nire-review. Kung ano ang naangkop na amount, ‘yun ang gagawing quota ng importation,” pahayag ni Angeles.

Una rito, sinabi ng Malakanyang na walang basbas ng Pangulo ang pag-aangkat ng 300,000 metrikong tonelada ng asukal.