Executive Secretary Vic Rodriguez, dumalo sa Cabinet meeting kaya hindi nakadalo sa Senate hearing
Dumalo sa Cabinet meeting si Executive Secretary Vic Rodriguez kung kaya hindi nakadalo sa pagdinig ng Senate Blue Ribbon committee kaugnay sa kontrobersiya sa tangkang pag-aangkat ng asukal.
Ayon kay Press Secretary Trixie Cruz-Angeles, tiyak na magpapaliwanag rin si Rodriguez sa hindi pagsipot sa Senado.
Binibigyan naman aniya ng napakataaas na pagrespeto ng Palasyo ng Malakanyang ang Senado bilang isang co-equal branch.
“May Cabinet meeting po kami. Binibigyan natin ng napakataas na respeto ang isang co-equal branch, so I assume na mag-i-explain naman po si Executive Secretary. So, we’ll wait po for the response on the part of the ES tungo doon sa pagtatanong ng ating legislature,” pahayag ni Angeles.
Bandang 9:00, Martes ng umaga (Agosto 30), nang magsimula ang Cabinet meeting na ipinaatawag ni Pangulong Ferdinand “Bongbong” Marcos Jr.
Sa naturang Cabinet meeting, nagbigay ng ulat ang Department of Science and Technology (DOST) at ang Department of Enviroment and Natural Resources (DENR) para sa kanilang priority programs and projects.
“Sa DOST, ang kanilang mga prayoridad ay creation of technology-based enterprises, jobs for regional development; pangalawa, food security and resilience; number three, health security; number four, water security and environmental protection; and number five, energy,” pahayag ni Angeles.
“Dalawa po ang tinalakay ng Department of Environment and Natural Resources – ang isa ay iyong kanilang priority programs of course pero pina-discuss din sa kanila ng ating Pangulo ang water security. So ang mga nasa plano ng ating DENR ay enhancement of the natural capital accounting system including the valuation of ecosystem services; pangalawa, budget realignment and strategic collaboration with other NGAs, LGUs, private sector, academe and other stakeholders; pangatlo, bolstering science and technology in environmental and natural resources management – halimbawa iyong Balik-Scientist Program ng DOST; improvement of sensors, sensor networks and analytics; at pang-apat, promoting green and blue jobs in environmental and natural resources management,” pahayag ni Angeles.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.