‘Magbi-behave ako ‘pag Pangulo na ako’ – Duterte
Sa ngayon, ninanamnam pa ni President-elect Rodrigo Duterte ang mga nalalabing araw bago siya mahalal bilang Pangulo ng bansa.
Ayon kay Duterte, sinusulit na niya ang mga natitira pang araw na maari siyang maging natural niyang sarili na may gaspang ang ugali, panay biro at palamura.
Pero pangako ni Duterte, sasailalim siya sa ‘metamorphosis’ pagkatapos niyang manumpa bilang pangulo ng bansa sa katapusan ng Hunyo.
Aniya sa mga tao, maghintay-hintay lamang sila dahil hindi pa naman siya presidente ngayon, ngunit ibang storya naman na kapag nanumpa na siya dahil magkakaroon na ng malaking pagbabago sa kaniya.
Mula aniya sa isang alkaldeng matabil ang dila, magbabago na siya patungo sa pagiging isang pinuno ng bansa.
Pangako pa niya, magiging “behaved” na siya kapag siya ay opisyal nang pangulo ng bansa.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.