Presidential task force on illegal drugs iminungkahing itatag
Tiniyak ni incoming Armed Forces of the Philippines (AFP) Chief-of-Staff Lt. Gen. Ricardo Visaya ang kanilang suporta kay incoming President Rodrigo Duterte sa magiging programa nito laban sa illegal drugs
Ayon kay Visaya, susundin nila ang giya o guidance ni presidente Duterte at susuportahan ang magiging kampanya nito kontra droga.
Pero kung si Visaya ang masusunod, imumungkahi umano nya kay Duterte na magtalaga ng presidential task force na bubuuin ng mga iba’t ibang ahensya ng pamahalaan.
Panukala ni Visaya na maliban sa AFP at PNP ay dapat ding isama sa presidential task force kontra droga ang mga ahensya ng gobyerno tulad ng Department of Justice (DOJ), Department of Foreign Affairs (DFA) at iba pang mga ahensiya para matiyak ang tagumpay ng kampanya kontra illegal drugs.
Sa kanyang pahayag sinabi ni Duterte na gagamitin niya ang militar para maging katuwang ng mga law enforcement agencie sa gagawin nilang pagdurog sa mga sindikato ng droga sa bansa.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.