Nagbitiw na sa puwesto si Sugar Regulatory Administration Administrator Hermenegildo Serafica.
Ito ang kinumpirma ni Executive Secretary Vic Rodriguez.
Base sa liham na ibinahagi ni Rodriguez na may petsang August 15, 2022, tinanggap na ni Pangulong Ferdinand “Bongbong” Marcos Jr. ang pagbibitiw ni Serafica.
Nagbitiw sa puwesto si Serafica matapos lagdaan ang Sugar Order Number 4 na mag-aangkat ng 300,000 toneladang asukal kahit hindi aprubado ni Pangulong Marcos.
“This refers to your letter dated 10 August 2022, tendering your resignation as Administrator of Sugar Regulatory Administration. On behalf of President Ferdinand R. Marcos Jr., I wish to inform you that your resignation has been accepted, effective immediately,” saad ng liham ni Rodriguez kay Serafica.
Samantala, sinabi ni Rodriguez na tinanggap na rin ni Pangulong Marcos ang pagbibitiw sa puwesto ni Attorney Roland Beltran bilang board member ng SRA.
“This refers to your letter dated 14 August 2022, tendering your resignation as Member, representing sugar millers, Sugar Board, Sugar Regulatory Administration. On behalf of President Ferdinand R. Marcos Jr., I wish to inform you that your resignation has been accepted, effective immediately,” saad ng liham ni Rodriguez kay Beltran.
Una nang nagbitiw sa puwesto si Agriculture Undersecretary Leocadio Sebastian na llumagsa sa Sugar Order Number 4 nang walang awtorisasyon mula sa Pangulo.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.