China may dagdag-donasyon para sa Northern Luzon M7.0 quake victims

By Chona Yu August 11, 2022 - 10:30 AM
DSWD PHOTO

Tinanggap na ng Department of Social Welfare and Development (DSWD) ang second batch na donasyon ng gobyerno ng China para sa mga biktima ng magnitude 7.0 na lindol na tumama sa Northern Luzon.

Mismong si DSWD ASec. Rommel Lopez ang tumanggap ng mga relief goods na donasyon ng China Investment and Real Estate Co., Ltd. at Philippine Chinese Chamber of Commerce and Industry, Inc. (PCCCI).

Kabilang sa donasyon ang 58,000 bags ng tig-5 kilong rice packs na nagkakahalaga ng  P10 milyon.

Noong Agosto 2 lamang, nagbigay ang Chinese government ng 58,000 rice packs.

Sa kabuuan, nasa 166,000 bags ng bigas ang ibinigay ng China sa DSWD.

Nagpapasalamat naman muli ang DSWD sa tulong na ibinigay ng China.

TAGS: China, dswd, quake victims, relief packs, China, dswd, quake victims, relief packs

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.

[forminator_form id="331315"]