WATCH: Dating Pangulong Duterte, dumalaw sa burol ni dating Pangulong Ramos
Bumisita sa burol ni dating Pangulong Fidel V. Ramos si dating Pangulong Rodrigo Duterte sa Heritage Park sa Taguig City.
Sa ambush interview, sinabi ni Duterte na si Ramos ang nagkumbinsi sa kanya na tumakbong pangulo ng bansa noong 2016.
“Tremendous, I would say. Si FVR, if I may divulge it right now, was the first guy who egged me to run and I remember we were having a conference with the secretary… pati si Paul nandiyan. I don’t remember the third. Pumasok si FVR. May dalang tennis bag tapos nilagay niya sa gitna. Sabi niya, ‘Iyan lang ang pera ko na maitulong ko sa’yo.’ He was the one who pushed me to run and the first one to contribute the money,” pahayag ni Duterte.
Sinabi pa ni Duterte na istrikto si Ramos.
“He was a military man. I could hardly absorb some ‘yung ano niya istrikto pati, lalo na iyong hindi pa siya presidente. But iyong kapag naka-decide siya na ganoon, ganoon na iyon. one word,” saad nito.
Narito ang pahayag ni Duterte:
Pasado 4:00, Huwebes ng hapon (Agosto 4), nang dumating si dating Pangulong Duterte sa Heritage Park.
Halos isang oras na tumagal si Duterte sa burol.
Kasama ni Duterte sina dating Executive Secretary Salvador Medialdea, dating Presidential spokesman Salvador Panelo, Senador Christopher “Bong” Go, at Senador Robin Padilla.
Samantala, bumisita rin sa burol sina dating National Security Adviser Hermogenes Esperon, dating Interior Secretary Eduardo Año, dating Senador Teofisto “TG” Guingona III, dating Senador Sergio Osmeña, Office of the Presidential Adviser on Peace, Reconciliation, and Unity (OPAPRU) Secretary Carlito Galvez, Jr. at iba pa.
Narito ang pahayag ng ilang personalidad:
– Dating National Security Adviser Hermogenes Esperon
– OPAPRU Secretary Carlito Galvez
– BCDA chair Delfin Lorenzana
– Dating DILG Secretary Eduardo Año
– Dating Secretary Jess Dureza
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.