Phivolcs, nakapagtala ng 2,422 aftershocks matapos ang Abra quake

By Angellic Jordan August 03, 2022 - 08:06 PM

BFP photo

Mahigit isang linggo na ang nakalipas mula nang tumama ang magnitude 7 na lindol sa Northern Luzon, ngunit mayroon pa ring naitatalang aftershocks sa iba’t ibang lalawigan.

Sa update ng Phivolcs bandang 5:00, Miyerkules ng hapon (Agosto 3), umabot na sa 2,422 ang bilang ng aftershocks hanggang 4:00 ng hapon.

Umabot ang pinakamataas na intensity sa intensity 7 sa Tayum, Bangued, Bucay, Bucloc, Danglas, Dolores, La Paz, Lagangilang, Licuan-Baay, Luba, Malibcong, Manabo, Peñrrubia, Pilar, Sallapadan, at San Juan, Abra.

Patuloy ang paalala ng Phivolcs sa publiko na manatiling alerto dahil maari pa ring makaranas ng aftershocks sa mga susunod na araw o linggo.

Matatandaang yumanig ang magnitude 7 na lindol sa Tayum, Abra dakong 8:43, Miyerkules ng umaga (Hulyo 27).

Dahil sa lakas nito, naramdaman ang pagyanig sa mga karatig-lalawigan, kabilang ang Metro Manila.

TAGS: Abra, aftershocks, EarthquakeAlert, EarthquakeInformation, EarthquakePH, InquirerNews, lindol, phivolcs, RadyoInquirerNews, Tayum, Abra, aftershocks, EarthquakeAlert, EarthquakeInformation, EarthquakePH, InquirerNews, lindol, phivolcs, RadyoInquirerNews, Tayum

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.