U.S. House Speaker Nancy Pelosi, nagtungo sa Taiwan sa kabila ng banta ng China

Nagtungo si United States House Speaker Nancy Pelosi sa Taiwan sa kabila ng mga banta at babala ng China.

Batay sa ulat, lumipad si Pelosi patungong Taiwan sakay ng isang U.S. military aircraft.

Lumapag ang sinakyan nitong eroplano sa Taipei Songshan Airport, kung saan sinalubong siya ni foreign minister Joseph Wu.

Bago ang kaniyang pagdating sa Taiwan, inanunsiyo ng Chinese state media na tumawid ang 35 advanced Su-35 fighter jets sa Taiwan Strait. Hindi naman naidetalye ang eksaktong oras at lokasyon ng pagdaan nito.