Higit 2,200, naitalang aftershocks matapos ang magnitude 7 quake
Patuloy na nakakapagtala ng aftershocks sa iba’t ibang lalawigan sa bansa kasunod ng magnitude 7 na lindol sa Northern Luzon.
Sa update ng Phivolcs bandang 9:00, Martes ng hapon (Agosto 2), umabot na sa 2,286 ang bilang ng aftershocks hanggang 8:00 ng umaga.
Umabot ang pinakamataas na intensity sa intensity 7 sa Tayum, Bangued, Bucay, Bucloc, Danglas, Dolores, La Paz, Lagangilang, Licuan-Baay, Luba, Malibcong, Manabo, Peñrrubia, Pilar, Sallapadan, at San Juan, Abra.
Patuloy ang paalala ng Phivolcs sa publiko na manatiling alerto dahil maari pa ring makaranas ng aftershocks sa mga susunod na araw o linggo.
Matatandaang yumanig ang magnitude 7 na lindol sa Tayum, Abra dakong 8:43, Miyerkules ng umaga (Hulyo 27).
Dahil sa lakas nito, naramdaman ang pagyanig sa mga karatig-lalawigan, kabilang ang Metro Manila.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.