Sen, Bong Go, nais mausisa sa Senado ang unang kaso ng monkeypox sa bansa
Magpapatawag ng pagdinig sa Senado si Senator Christopher “Bong” Go matapos kumpirmahin ng Department of Health (DOH) ang unang kaso ng monkeypox sa bansa.
Ayon sa namumuno sa Senate Committee on Health, nais niyang mabusisi ang mga nagawang paghahanda ng DOH ukol sa nakakamatay na sakit.
Kasabay nito ang kanyang panawagang paigtingin pa ang ginagawang information campaign ukol sa nabanggit na sakit, disease surveillance at mga hakbang upang hindi na ito kumalat.
Umapela rin siya sa publiko na istriktong sumunod sa protocols para maiwasan ang pagkalat pa ng sakit.
Pagdidiin ni Go, napakahalaga ng kooperasyon para sa kaligtasan ng lahat at napatunayan na ito sa nagpapatuloy na pandemya dulot naman ng COVID-19.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.