Mga ‘manyak’ bawal na sa QC

 

Isa nang ganap na ordinansa sa Lungsod ng Quezon ang panukalang nagbabawal sa pambabastos sa mga kababaihan matapos itong pirmahan ni Mayor Herbert Bautista.

Nakasaad sa Gender and Development Ordinance o ang Anti-Catcalling Ordinance, pinagbabawal na ang pagsipol, green jokes at stalking sa mga babae sa lungsod.

Ang mga irereklamo ay maaring pagmultahin ng P1,000 hanggang P5,000 at posible rin silang makulong ng isang araw hanggang isang taon.

Ang mga magrereklamo ay maaring dumulog sa women’s desk sa mga istasyon ng pulisya.

Sinabi ni Bautista dagdag proteksyon ito sa mga kababaihan, at aniya para na rin mabago ang pagtingin ng mga lalaki sa mga babae, sabay pagdidiin na ang mga kababaihan ay hindi dapat itinuturing na sex objects.