Bilang ng mga nakapag-enroll para sa S.Y. 2023-2023, higit 9-M na
Umabot sa mahigit siyam na milyon ang bilang ng mga estudyante na nag-enroll sa unang araw ng School Year 2022-2023.
Sa inilabas na datos ng Department of Education (DepEd) hanggang 7:00, Biyernes ng umaga (Hulyo 29), nasa 9,192,331 na ang total enrollment sa Kindergarten hanggang Grade 12 simula nitong Lunes, Hulyo 25.
Sa nasabing bilang, 608,114 enrollees ang naitala sa Kindergarten; 4,279,600 sa Elementary; 2,965,068 sa Junior High School; habang 1,339,519 naman sa Senior High School.
Sa ngayon, Region IV-A ang may pinakamaraming naitalang enrollees na may 1,596,668, na sinusundan ng National Capital Region (1,389,331), at Region III (963,494).
Paalala ng DepEd, may tatlong paraan sa pagpapatalla: in-person, remote, at dropbox enrollment.
Para naman sa Alternative Learning System (ALS) learners, maaari na ring magpatala nang in-person o digital.
Magpapatuloy ang enrollment hanggang sa Agosto 22, 2022.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.