Pilipinas, nakapagtala ng 2,727 na bagong kaso ng COVID-19
Mahigit 2,000 muli ang naitalang bagong kaso ng COVID-19 sa Pilipinas, ayon sa Department of Health (DOH).
Base sa COVID tracker ng kagawaran hanggang araw ng Miyerkules, Hulyo 27, 2,727 ang bagong COVID-19 cases sa bansa.
Bunsod nito, pumalo na sa 3,760,488 ang kabuuang bilang ng napaulat na kaso ng nakahahawang sakit sa Pilipinas.
Sa nasabing bilang, 27,754 o 0.7 porsyento ang nagpapagaling pa sa sakit.
Nasa 3,672,040 o 97.6 porsyento naman ang bilang ng mga gumaling na, habang 60,694 o 1.6 porsyento ang COVID-19 related deaths.
Patuloy pa rin ang pagkasa ng kagawaran ng vaccination at booster shot rollout sa buong bansa upang mapalakas ang immunity ng Pilipinas laban sa COVID-19.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.