Pasok sa trabaho at eskwelahan sa Benguet, suspendido na rin
Sinuspinde na ni Governor Melchor Diclas ang pasok sa trabaho sa lahat ng gobyerno at pribadong ahensya at mga eskwelahan sa Benguet.
Kasunod ng tumamang magnitude 7.0 na lindol sa Tayum, Abra Miyerkules ng umaga.
“The govenor already ordered the Provincial Response Team and other personnel from the PDRRMO to ready in cases of emergency,” pahayag ng Benguet Public Information Office (PIO).
“Municipal DRRMCs are also advised to take necessary measures to keep the public safe,” dagdag nito.
Maaring matawagan ang PDRRMO sa mga sumusunod na numero: 0947-486-1339 o 0967-450-7404.
Samantala, base sa update ni Diclas hanggang 11:00 ng umaga, sarado ang mga sumusunod na kalsada sa naturang probinsya dahil sa landslide:
1. Gov. Bado Dangwa Road, Pulag Section
2. Sipitan Junction hanggang Lup-ot Road, Palidan hanggang Liwang, Dalipey
3. Lup-ot hanggang Beyeng Road, Beey-Cangaw, Tengba at Poliwes Sinacbat
4. Beey-Cangaw hanggang Bagu Road, Man-ani, Bagu Section
5. Liwang hanggang Masalin Road, Masalin Proper Section
6. Yabyab hanggang Labay Road
7. Sookan hanggang Gambang Road, Tood section, Gambang, Bakun
Narito naman ang abiso mula sa DPWH:
1. Kennon Road – sarado ‘until further notice’
2. Baguio-Bontoc Road – Balili Bridge ay limitado sa 10 toneladang sasakyan lamang
3. Benguet-Nueva Vizcaya 3: Punch thru dahil sa soil collapse sa K0303+100, Bobok Bisal, Bokod, Benguet; Punch thru dahil sa rockfall sa K0302+700, Poblacion, Bokod, Benguet
4. Palispis (Marcos) Highway; Isang lane passable sa K0273+780, Poblacion, Tuba, Benguet; Sarado ang 273+800, Poblacion, Tuba, Benguet
5. Baguio- Itogon Road – Itogon Bridge, K0267+519 ay pansamantalang isinara para sa safety purposes
6. Benguet-Nueva Vizcaya 1 – isang lane ang maaring daanan dahil sa rockfall sa K0254+300, Sitio Lamut, Beckel, La Trinidad, Benguet
7. Baguio-Bauang Road – maaring daanan ngunit may soil collapse sa K0296+600 LS, Tadiangan, Tuba, Benguet
8. Congressman Andres Acop Cosalan Road; Sarado dahil sa soil collapse sa K0318+500, Sitio Bugao, Brgy. Adaoay, Kabayan, Benguet; Isang lane maaring daanan dahil sa soil collapse sa K0318+800, Sitio Bogao, Brgy. Adaoay, Kabayan, Benguet.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.