Price rollback sa mga produktong petrolyo, ipatutupad bukas

Good news sa mga motorista.

Magkakaroon muli ng panibagong price rollback sa mga produktong petrolyo sa araw ng Martes, Hulyo 26.

Batay sa anunsiyo ng Caltex, Cleanfuel, Flying V, Jetti, Petron, PetroGazz, Phoenix Petroleum, PTT Philippines, Seaoil, at Shell, may kaltas na P1.85 sa kada litro ng diesel habang P0.40 naman ang ibababa sa bawat litro ng gasolina.

Babawasan naman ng P1.30 ang kada litro ng kerosene ng Caltx, Flying V, Petron, Seaoil, at Shell.

Mauunang ipatupad ang oil price adjustment sa Caltex bandang 12:01, Martes ng madaling-araw (Hulyo 26).

Magiging epektibo naman ang paggalaw ng presyo sa ibang oil companies bandang 6:00, Martes ng umaga, habang 8:01 ng umaga sa Cleanfuel.