Binuksan na ng Department of Education (DepEd) ang enrollment para sa School Year 2022 – 2023.
Base sa inilabas na DepEd Order No. 35, s. 2022, isasagawa ang enrollment process simula Hulyo 25 hanggang Agosto 22.
Maaring magpatala ang mga estudyante sa dati o napiling paaralan sa pamamagitan ng in-person, remote, o dropbox enrollment.
Pwede ring mag-enroll ang Alternative Learning System (ALS) learners nang in-person o digital.
“Upang masigurong protektado ang mga magpapatala nang in-person, huwag kalimutang sundin ang ating health and safety protocols gaya ng pagsusuot ng face mask at pagpapanatili ng physical distancing,” paalala naman ng kagawaran.
Magbubukas ang School Year 2022-2023 sa Agosto 22, 2022 at matatapos sa Hulyo 7, 2023.