Dolores, Eastern Samar niyanig ng magnitude 4.6 na lindol
By Angellic Jordan July 25, 2022 - 08:17 AM
Tumama ang magnitude 4.6 na lindol sa Eastern Samar, Lunes ng umaga.
Sa earthquake information no. 2 ng Phivolcs, namataan ang episentro ng lindol sa layong 63 kilometers Southeast ng Dolores dakong 5:45 ng umaga.
May lalim ang lindol na pitong kilometro at tectonic ang origin.
Bunsod nito, naitala ang intensity 2 sa naturang bayan.
Wala namang napaulat na pinsala sa bayan ng Dolores at mga karatig-lugar.
Sinabi rin ng Phivolcs na walang inaasahang aftershocks matapos ang pagyanig.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.