2,828 na bagong kaso ng COVID-19, naitala sa Pilipinas
Nakapagtala ng 2,828 na bagong kaso ng COVID-19 sa Pilipinas sa nakalipas na isang araw.
Base sa COVID-19 tracker ng Department of Health (DOH) hanggang Hulyo 21, 2022, umakyat na sa 3,741,987 ang kabuuang bilang ng napapaulat na kaso ng nakahahawang sakit sa bansa.
Sa nasabing bilang, 22,207 o 0.6 porsyento ang aktibo pang kaso o patuloy na nagpapagaling.
Samantala, 3,659,139 o 97.8 porsyento ang bilang ng mga indibiduwal na gumaling na sa COVID-19.
Nasa 60,641 o 1.6 porsyento naman ang COVID-19 related deaths.
Dahil sa patuloy na pagtaas ng kaso ng nakahahawang sakit, pinayuhan ang publiko na magpabakuna at tumanggap ng booster shot upang magkaroon ng karagdagang proteksyon laban sa COVID-19.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.