Bowler Bong Coo inilagay sa PSC; Ex-DOLE official sa TESDA
Itinalaga ni Pangulong Ferdinand “Bongbong” Marcos, Jr. si Danilo Cruz bilang Director-General ng Technical Education and Skills Development Authority (TESDA), ayon kay Press Secretary Trixie Cruz-Angeles.
Si Cruz ay naging undersecretary sa Department of Labor and Employment (DOLE).
Kasabay nito, inanunsiyo rin ni Angeles ang pagkakatalaga kay world-class Filipina bowler Bong Coo bilang commissioner ng Philippine Sports Commission (PSC).
Magugunita na si Coo ang unang atletang Filipino na naitala sa Guinness Book of World Records.
Siya ay four-time world champion at may hawak na record na limang gintong medalya sa Asian Games.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.