MMDA binawi ang ipinahiram na motorcycle escorts sa gov’t officials
Bilang suporta sa kampaniya laban sa ilegal na paggamit ng ‘wang-wang,’ binawi na ng Metropolitan Manila Development Authority (MMDA) ang ipinahiram nilang motorcycle escorts sa mga opisyal ng gobyerno.
Sinabi ni MMDA officer-in-charge (OIC) Melgar Baltazar na tatalima sila sa polisiya ng PNP – Highway Patrol Group sa paggamit ng ‘blinkers’ at sirena.
Aniya, nag-isyu na siya ng memorandum na nagbabawal sa lahat ng kanilang mga opisyal at kawani sa paggamit ng ‘wang-wang.’
Dagdag pa ni Baltazar, gagamitin lamang ang emergency devices sa kanilang mga sasakyan sa aktuwal na pagtupad lamang ng tungkulin.
“For authorized use of wang-wang and blinkers, the vehicle must be a marked government property which is used only during official functions or performance such as emergency response and law enforcement,” ani PCapt. Bingsky Foncardas, ang legal officer ng PNP-HPG.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.