Burgos, Surigao del Norte niyanig ng magnitude 4.2 na lindol

Tumama ang magnitude 4.2 na lindol sa Surigao del Norte, Martes ng hapon (Hulyo 12).

Batay sa earthquake information no. 2 ng Phivolcs, namataan ang episentro ng lindol sa layong 47 kilometers Northeast ng Burgos bandang 3:08 ng hapon.

19 kilometers ang lalim ng lindol at tectonic ang origin.

Bunsod nito, naitala ang instrumental intensity 1 sa Surigao City, Surigao del Norte.

Wala namang napaulat na pinsala sa mga karatig-bayan.

Sinabi rin ng Phivolcs na walang inaasahang aftershocks matapos ang pagyanig.