Energy Sec. Raphael Lotilla ‘good choice’ – Sen. Win Gatchalian

Pinaboran ni Senator Sherwin Gatchalian ang pagkakahirang kay Raphael Lotilla bilang bagong kalihim ng Department of Energy (DOE).

Ibinahagi ng namumuno sa Senate Committee on Energy na anim na taon niyang nakasama at kinonsulta si Lotilla sa iba’t ibang isyu na may kinalamang sa sektor ng enerhiya.

“He has proven legal and technical knowledge necessary in addressing various pressing issues in the sector and to ensure energy security for our country,” sabi pa ni Gatchalian.

Napatunayan na din aniya niya ang integridad ni Lotilla kaya’t nararapat siya sa isang napakahalagang ahensiya ng gobyerno.

Tiwala si Gatchalian na malaki ang magagawa ni Lotilla para sa murang kuryente, stable power supply at malinis na hinaharap.