Operasyon sa NAIA, sinuspinde kasunod ng red lightning alert

Pansamantalang sinuspinde ang operasyon ng Ninoy Aquino International Airport (NAIA), Lunes ng hapon (Hulyo 11).

Ayon sa Manila International Airport Authority (MIAA), kasunod ito ng inilabas na Red Lightning Alert ng PAGASA bandang 4:50 ng hapon.

Dahil dito, sinuspinde ang flight at ground operations ng naturang paliparan.

“The alert is a safety measure taken to prevent untoward incident from happening when lightnings are prevalent in the immediate area and may endanger personnel, passengers and even flight operations,” paliwanag ng MIAA.