Good news sa mga motorista.
Magpapatupad ng bigtime price rollback sa mga produktong petrolyo sa araw ng Martes, Hulyo 12.
Batay sa anunsiyo ng Caltex, Cleanfuel, PetroGazz, Seaoil, at Shell, babawasan ng P5.70 sa kada litro ng gasolina, habang P6.10 naman ang tapyas sa kada litro ng diesel.
Magkakaroon din ng rollback na P6.30 sa kada litro ng kerosene ng Caltex, Seaoil, at Shell.
Mauunang ipatupad ang oil price adjustment sa Caltex bandang 12:01, Martes ng madaling-araw (Hulyo 12).
Magiging epektibo naman ang paggalaw ng presyo sa ibang oil companies bandang 6:00, Martes ng umaga, habang 8:01 ng umaga sa Cleanfuel.
Asahang mag-aanunsiyo rin ng oil price adjustment ang iba pang oil company.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.