Resolusyon para aralin ang K-12 Program inihain sa Senado
Inihain na ni Senator Sherwin Gatchalian ang resolusyon na layon mabusisi ang pagkasa ng Department of Education (DepEd) ng K to 12 Program.
Sa kanyang resolusyon hiniling ni Gatchalian na ang Committee on Basic Education ang humimay sa pagpapatupad ng RA 10533 o ang Enhanced Basic Education Act of 2013.
Paliwanag ng senador layon ng kanyang hakbang na mapagbuti pa ang programa sa gitna ng mga pagdududa na nakakakuha ng de-kalidad na edukasyon ang mga estudyante sa bansa.
Binanggit niya ang mga mabababang grado na nakuha ng mga Filipinong mag-aaral sa ilang national at international tests.
Naniniwala si Gatchalian na kailangan nang rebisahin ang programa para makatugon sa mga pangangailangan ng mga mag-aaral.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.