BSP nilinaw na walang bagong ‘Bagong Lipunan coins’

Inihayag ng Bangko Sentral ng Pilipinas (BSP) na walang inilabas na bagong serye ng ‘Bagong Lipunan coins.’

Ginawa ito ng BSP dahil sa pagkalat sa social media ng mga imahe ng mga barya na inilabas noong ang yumaong Pangulong Marcos Sr., pa ang namumuno sa bansa partikular na noong 1975.

“Some images of coints circulating on social media are part of the ‘Ang Bagong Lipunan’ coin series issued by the central bank in 1975 and demonetized in 1998. Demonetized coins are no longer accepted as payment for goods and services,” ang pahayag ng BSP.

Dagdag pa, may bago ng serye ng mga barya na inilabas at ito ang New Generation Curreny (NGC).

Kumalat ang ‘Bagong Lipunan’ coins nang maupo si Pangulong Marcos Jr., bilang ika-17 pangulo ng bansa.