PCG working dog, na-detect ang P210,000 halaga ng shabu sa Zamboanga Airport

Habang nagsasagawa ng inspeksyon sa Zamboanga International Airport, nagkaroon ng positibong indikasyon sa isang package ang working dog ng Philippine Coast Guard (PCG) K9 Team Zamboanga na may pangalang “Bunny” bandang 12:50, Martes ng tanghali (Hulyo 5).

Nang buksan ang package, nadiskubre ng PCG K9 Team Zamboanga at iba pang airport authorities ang 14 pakete ng hinihinalang methamphetamine o shabu. Bawat pakete ay may bigat na limang gramo.

Tinatayang aabot sa P210,000 ang halaga ng naturang package.

Nagkasa naman ng mas malalim na imbestigasyon ang mga operatiba ng Philippine Drug Enforcement Agency (PDEA) sa naturang insidente.