YouTuber na si Viy Cortez, nanganak na

Nanganak na ang sikat na YouTube content creator at businesswoman na si Viy Cortez.

Isinilang ni Viy ang kanilang unang anak ni Lincoln Cortez Velasquez, o mas kilala bilang “Cong TV”, sa Asian Hospital and Medical Center sa araw ng Martes, Hulyo 5.

Pinangalan nila ang kanilang anak na si Zeus Emmanuel Cortez Velasquez o “Kidlat.”

Ibinahagi naman ni Viy ang larawan kung saan buhat ni Cong ang kanilang anak na si Kidlat.

“Kayong dalawa ang mundo ko❤️ salamat Lord salamat sa biyaya🙏🏻,” caption ni Viy sa kaniyang Facebook post.

Bumuhos naman ang pagbati sa mga kaanak, kaibigan, at tagasuporta nina Cong at Viy.

Congratulations, Cong at Viy!