1 patay makaraang mahulog sa bangin ang isang trak dahil sa paruparo
Isa ang patay samantalang lima naman ang sugatan makaraang mahulog sa isang bangin sa Benguet ang isang maliit na trak.
Sa paunang report ng Benguet Provincial Police Office, nahulog umano sa 200-meter na bangin ang trak na minamaneho ni Kimberly Tunget na kabilang sa mga sugatan.
Namatay naman sa pinangyarihan ng insidente si Pedro Gomisa, 47-anyos na kasama sa mga pasahero ng naaksidenteng sasakyan.
Sugatan din ang kanilang mga kasamahan na sina Roger Aspilan, Milanio Aspilan at Tony Pinmangin.
Sinabi ng mga sugatang biktima na nawalan ng kontrol sa manibela ang tsuper na si Tunget nang bugawin niya ang paruparo na pumasok sa kanilang sasakyan.
Galing sa bayan ng Tublay at papunta sa La Trinidad Benguet ang mga biktima nang sila’y maaksidente sa bayan ng Alno.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.