DOH, Red Cross magpapakalat ng medical teams sa National Museum
Inaasahan na dadagsain ang inagurasyon bukas ni incoming President Ferdinand ‘Bongbong’ Marcos Jr., sa National Museum kayat magpapakalat ang Department of Health (DOH) ng kanilang medical teams.
Magmumula ang medical teams sa DOH – National Capital Region, gayundin sa Philippine Red Cross (PRC).
Sinabi ni DOH-NCR chief, Dr. Gloria Balboa ito ay upang agad makatugon para sa anumang kakailanganin na medical assistance.
Ayon naman kay Edison Enriquez, walong team ang kanilang ide-deploy bukas.
Inaasahan na maging ang Manila Health Department ay maglalagay din ng kanilang medical teams.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.