Isang grupo umapelang itigil ang planong pagtatayo ng fossil gas, LNG plants sa Batangas
Hinikayat ng Asian Peoples’ Movement on Debt and Development ang Japanese corporations na itigil na ang planong pagtatayo ng fossil gas at liquified natural gas plants sa Batangas.
Ayon kay Lidy Nacpil, coordinator APMDD, walang magandang maidudulot sa kalikasan at sa kalusugan ng tao ang naturang proyekto.
Kabilang sa mga kompanyang magtatayo ng fossil gas at LNG plants ang Sumitomo Mitsui Financial Group (SMBC), Mitsubishi UFJ Financial Group (MUFG) at Japan’s Energy For A New Era (JERA) pati na ang San Miguel Corporation.
Bilang bahagi ng pagtutol, nagsagawa ng kilos-protesta ang grupo sa Batangas City.
Nagsagawa rin ng sabay na kilos-protesta ang grupo sa Navotas City, Pililla sa Rizal, Limay sa Bataan, Pagbilao sa Quezon, Luna sa La Union, Lapu-Lapu City sa Cebu, Tabango sa Leyte, San Carlos City sa Negros Occidental at Zamboanga City.
Nabatid na ang Batangas ang pinakamalaking fossil gas hubs sa Southeast Asia.
Sa Batangas din matatagpuan ang LNG and Floating Storage Regasification Unit (FSRU) projects na sa ngayon ay nasa pipeline na.
Walo sa 27 proposed new plants at pito sa siyam na planong LNG terminals ay matatagpuan sa Barangays Bolbok, Ilijan, Libjo, Sta. Rita, De la Paz at Matalim sa Batangas City, at sa bayan ng San Pascual.
“These four companies are tagged as part of ‘Asia’s Dirty Companies’, private and commercial corporations that are leading in the financing and investments in coal and fossil gas projects in the Asian region. We call on them to immediately stop supporting fossil fuels and instead contribute to the rapid, equitable and just transition to renewable and democratic energy systems in Asia,” pahayag ni Nacpil.
“We urge the shareholders of these corporations to push for a major change in the energy investment policies of these companies. We specifically call on SMBC, MUFG and JERA to follow the lead of the Japanese Government which recently pledged to end fossil-fuel financing abroad by the end of 2022,” pahayag ni Nacpil.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.